ممبئی،2؍ جنوری(ایس او نیوز؍آئی این ایس انڈیا) مہاراشٹرکے وزیراعلیٰ ادھو ٹھاکرے اور وزیر آدتیہ ٹھاکرے آج یعنی 2021 کے پہلے دن ممبئی پولیس ہیڈ کوارٹر پہنچے۔ اس دوران وزیراعلیٰ نے مثالی کام کرنے والے پولیس اہلکاروں اور خواتین کو اعزاز سے نوازا۔

اس دوران ممبئی کے پولیس کمشنرپرمبیر سنگھ نے پولیس فورس کو مخاطب کرتے ہوئے کہاہے کہ جس طرح ہم ٹی آر پی جیسے کیسوں کوحل کر رہے ہیں اس سے بہت سارے چیلنجوں کے باوجود یہ ظاہر ہوتا ہے کہ ہم تمام معاملات کو پیشہ ورانہ انداز میں انجام دینے میں کامیاب ہیں جنہیں ممبئی پولیس کے حوالے کیا جارہا ہے۔

ممبئی پولیس کمشنر پرمبیر سنگھ نے مزیدکہا ہے کہ پچھلے سال کے دوران کچھ لوگوں نے ممبئی پولیس کی ساکھ کو داغدار کرنے کی کوشش کی ، لیکن ہم نے اچھا جواب دیا اور ہم جیت گئے۔ پچھلے سال کے دوران جو بھی غلطی کا سامنا کرنا پڑا ہے ، اسے چھوڑ دیںاور آگے بڑھیں۔اس دوران وزیراعلیٰ ادھو ٹھاکرے نے یہ بھی کہاہے کہ مجھے فخر ہے کہ نئے سال کے آغاز کے ساتھ ہی میں آج پہلی بار اپنی بہادر پولیس کے لیے بات کر رہا ہوں ، جن لوگوں نے ہمیں بدنام کرنے کی کوشش کی ، وہ اب خاموش ہوگئے ہیں۔

انہوں نے کہاہے کہ گذشتہ ایک سال میں اداکار سوشانت سنگھ راجپوت کی موت کی تحقیقات سب سے زیادہ زیربحث رہی ہیں۔ممبئی پولیس کمشنر پرمبیر سنگھ نے کہا ہے کہ سپریم کورٹ کو پتہ چلا ہے کہ ہماری تحقیقات بہت پیشہ ورہیں۔اس بات کا یقین ہے کہ سی بی آئی بھی پیشہ ورانہ نتیجے پر پہنچے گی ، جو ہمارے نتیجہ کی طرح ہوگی ، لیکن کچھ مصلحت پسندمفادات نے ہمیں کیچڑ میں ڈالنے کی کوشش کی۔